GENERAL SANTOS CITY – Walay natala na nga bag-ong kaso sa COVID 19 nga may kalambigitan sa fishport ning syudad.


Kini human istriktong gipatuman ang mga healthy protocols tungod sa daghang mga kaso nga natala sa maong area sa miaging mga semana.


Sukad nga gipailawom sa lockdown ang fishport sulod sa lima ka adlaw hugot nga mga healthy protocols ang gipatuman.

Una niini gibutyag ni Paris Ayon, OIC-Admin Chief sa Philippine Fisheries Development Authority(PFDA), nga ang tanan nga musulod ang kinahanglang magsul-ob og PPE kung asa walay exemption aron maprotektahan ang kaugalingon kontra sa covid19.


Hugot usab nga gipahimangnuan ang mga trabahante nga kinahanglan nga sul-obon kanunay ang ID, sa pagsulod sa fishport.


Kanunay usab nga gihimo ang flushing activity sulod sa fishport.


Adunay Health Declaration Form og medical certificate nga bitbit ang musulod sa maong dapit.
Pwede nga ma-download ang maong form o kung wala adunay available sa entrance.
Angayang magdala og kaugalingong ballpen.


Hangyo usab sa tigdumala sa fishport nga unta pulos kamatuoran ang ibutang sa form.
Samtang kanunay nga gipahimangnuan ang katawhan nga ipatuman ang social distancing og kung human na ang trabaho gilayon muuli na.

Sa talaan nga 12 ang kaso sa COVID 19 sa GenSan nga may koneksyon sa fishport og daghan usab ang gikan sa kasikbit nga mga probinsya.