GENERAL SANTOS CITY – Dul-an sa 100 ang bag-ong nagpositibo karon sa Gensan base sa datos nga gipagawas sa DOH Center for Health Development Soccsksargen Region.

Base sa case profile nga 93 ang new cases sa COVID 19 sa dakbayan kung asa 35 ang mga lalaki og 58 mga babaye.

Samtang sa maong ihap usab, unom ang menor de edad kung diin gilangkoban sa tulo ka bulan nga baby boy nga residente sa Phase 2, VSM Heights, San Isidro ning dakbayan.

Unom usab ang nagpositibo nga mga edaran nga ang pinakatigulang nag-edad og 75 anyos nga taga MSU Compound Fatima.

Lakip usab sa bag-ong natakbuyan sa sakit ang duha ka pulis og usa ka nurse.