GENERAL SANTOS CITY – Subling nagpagawas og public health advisory batok sa dengue ang city health office sa dakbayan gumikan daghan na usab ang nataptan sa maong sakit ilabina karong panahon sa ting-ulan.

Kahinumduman, na patay niadtong Hulyo 17 si Aneca Dion Wagas, dos anyos. Namatay ang bata tungod sa Severe Dengue Fever hinungdan sa paak sa lamok.

Gibutyag nga gipacheck-up sa iyang mga ginikanan ang bata tungod nagluya og nagtuo lamang sila nga gumikan sa alergy.

Apan basi sa resulta sa gihimong laboratory test, kalit nga miubos ang platelet count sa bata og pabalik balik ang hilanat.

Pahimangno kanunay sa mga doktor sa tanan nga ang kanunay nga paglimpyo sa palibot ang yawi aron makalikay sa dengue.

-- Advertisement --

Basi sa data sa City Epidemiology Surveillance Unit, mitaas ang kaso sa dengue sa dakabyan sa 1,421 nga natala gikan Jan 1- July 22, kumpara sa miaging tuig nga mukabat sa 508 lang ang dengue case.

Ang Brgy Calumpang ang adunay pinakataas nga ihap sa dengue cases nga mukabat sa 180