GENERAL SANTOS CITY – Gikustudiya una sa Makar Police Station ang driver sa dump truck og mga kauban nga gipanag-iyahan sa LGU Koronadal City human nga gidala sa syudad ang mga Badjao.


Matud pa ni P/Major Patrich Elma, chief of police sa Makar Police Station nga iyang gipakuhaan og statement ang driver nga si Romnick Valencia aron masayran ang tanan.


Sa iyang pamahayag nga walay plate number og rehistro ang maong dump truck.


Gibutyag ni Elma nga wala gikuhaan og katungod nga magpuyo ang mga Badjao sa syudad.


Sumala pa nga natigayon kini human nakit-an sa kapulisan nga gipanaog sa nahisgutang dumptruck ang gibana-banaan nga 18 ka mga Badjao sa Crossing Makar sa Labangal ning syudad.Rason sa driver nga taga GenSan ang maong mga Badjao hinungdan nga ilang gibalik.

Gawas pa niini nga nakasupak usab sa executive order number 22 ni Mayor Ronnel Rivera nga mga essential travels lang ang gitugtan nga makasulod sa syudad.


Wala namatikdan sa checkpoint nga may karga nga tawo ang maong dump truck nga may nakasulat nga City of Koronadal tungod sa kahabog niini.