Giduso karon sa Department of Health (DOH) sa Region 12 ang pag-abli sa dugang mga vaccination sites for coronavirus disease 2019 (Covid-19) aron nga mas daghan ang mabakunahan.

Matud pa ni Dr. Edvir Jane MontaƱer, DOH-12 immunization manager, nga sa kasamtangan anaa sa 333 ang vaccination sites sa tibook rehiyon.

Gibutyag nga anaa sa 1,196,571 Covid-19 vaccines ang naturok sukad sa miaging Marso kung asa anaa sa 575,766 ang fully vaccinated og 620,805 anga nakadawat sa unang dose.

Gibutyag niini nga walay angayang kabalak-an gumikan paigo ang supply sa mga bakuna sa rehiyon.

Sa pamahayag sa nasampit nga opisyal nga bisag ang Cotabato City ang lakip na sa Bangsamoro Autonomous Region in Muslim Mindanao apan lakip sa ilang hurisdiksyon ning higayona.

-- Advertisement --

Ang mga bakuna nga nadawat sa rehiyon ang gikalangkuban sa Sinovac, Pfizer, Moderna, and Sinopharm, Sputnik V, Janssen, og AstraZeneca.