GENERAL SANTOS CITY – Aprubado na sa Committte on Laws and Ways and Means ang sugyot balaudnon nga magpahamtang og silot sa kinsa man nga dili motambong kon ipatawag sa konseho sa dakbayan.


Kini human giduso ni Kagawad Franklin Gacal Jr. sa Konseho ang maong sogyot sa pagpahamtang ug silot human gibaliwala ang pagpatawag sa Konseho sa mga nagpadagan sa lotto operation sa dakbayan.


Gikadugang sa Konsehal nga importante matud pa ang naasoy nga mga personahe nga gikinahanglan sa committee hearing aron mapalig-on ang balaudnon nga ginaduso ‘in aide of legislation.


Gipaburan usab sa ubang konsehal ang maong sugyot nga bisan ang mga opisyal sa mga nasudnong ahensiya nga may buhatan sa dakbayan ang kinahanglan nga mapailawom sa maong balaud.

Ang silot nga nakalatid sa ordinansa ni Gacal anaa sa usa ka tuig nga pagkabilanggo o kaha multa nga P5,000 pesos.