Gituohan ni Dr. Fidel Peñamante, Presidente sa GenSan Medical Society nga aduna nay kaso sa delta variant sa COVID 19 sa dakbayan.

Gihimong ehemplo ni Dr. Peñamante ang natala nga kaso sa delta variant sa Sarangani og South Cotabato nga walay travel history sa mga lugar nga may nahisgutang kaso sa virus.

Gikadugang pa niini nga kini gumikan dugay nga magpagawas og resulta ang Philippine Genome Center tungod ubay-ubay ang ilang gi-eksamin.

Una niini gihingusgan sa DOH nga ang delta variant ang labing daghang kaso nga tala sa nasud itandi sa laing mutations.

Mas gikahadlokan ang maong variant gumikan muabot hangtud sa walo ka tawo ang pwede matakdan og mas isog ang virus itandi sa uban.