GENERAL SANTOS CITY – Milapas na sa kapin 7,000 ka COVID 19 ang natala sa Region 12, kini human nga adunay 73 ang bag-ong nagpositibo kagahapon. Samtang 35 ang bag-ong nakarekober.

Base sa labing ulahing report sa DOH – Center for Health Development Soccsksargen Region 12, ang mga bag-ong natakdan ang gilangkuban sa 18 gikan sa GenSan, 41 sa South Cotabato, 5 sa Sultan Kudarat, 7 sa Cotabato Province og 2 sa Sarangani.

Gumikan niini, aduna nay 2,412 ang kaso sa COVID 19 sa GenSan, 148 ang active cases og 89 ang patay.

Sa South Cotabato adunay 2,109 ka kaso, 259 ka active cases og 54 ang nakabsan sa kinabuhi. Sa North Cotabato adunay 1,130 ang kaso, 80 ang active cases og 66 ang namatay na.

Sa Sultan Kudarat adunay 736 ka kaso, 52 ang active cases og 20 ang patay.

Sa Sarangani adunay 669 ka kaso, 29 ang active cases og 18 ang patay. Sa katibuk-an may kinatibuk-ang 7,056 ang COVID-19 confirmed cases; 568 (8%) ang aktibong kaso, 6,239 (88%) ang recoveries og 247 (3.50%) ang COVID-19 related deaths.