GENERAL SANTOS CITY – Mitungtong na sa kapin 15,000 ang Covid-19 cases sa Region 12 human nga madugang kagahapon ang 413 nga bag-ong kaso, ang labing taas nga covid 19 cases nga natala samtang anaa sa 366 ang nadugang sa ihap sa nagmaayo samtang walo ang nadugang sa ihap sa namatay.


Sa datos nga gipagawas sa DOH Center for Health Development Soccsksargen, sa 413 nga bag-ong natakbuyan mukabat sa 73 ang gikan sa Gensan, Cotabato Province-101, Sarangani -30, Sultan Kudarat-54 og South Cotabato-165 .


Samtang sa aktibong kaso, nanguna ang South Cotabato sa may labing daghang natala nga mukabat sa 1,207, GenSan may 696 active cases, Cotabato Province- 604, Sultan Kudarat may 353 og ang Sarangani anaa sa 289 ang aktibong kaso.


Sa kinatibuk-an, mukabat sa 15,146 ang COVID-19 confirmed cases sa rehiyon, 3,149 (20.79%) ang aktibo, 11,548 (76.24%) ang recoveries og 447 (2.95%) ang COVID-19 related deaths.