GENERAL SANTOS CITY -Wala pa magpagawas ug desisyon ang City-IATF kung mahimong ikonsidera ang naaprubahang resolusyon sa Sangguniang Panlungsod nga gapanawagan aron bakwion na ang gipatumang liquor ban ug mas gipamub-an nga curfew hours sa syudad.

Gihingusgan ni Dr. Fidel PeƱamante, presidente sa Philippine Medical Association Gensan Chapter nga dili sila uyon sa maong resolusyon sa konseho tungod dili pasabot nga walay liquor ban sa mga silingang probinsya, kinahanglan nga wala usab liquor ban sa GenSan.

Gidugang pa niini nga dako ang risgo nga ipatuman kini tungod dako ang posibilidad nga mabag-o ang ‘behavioral attitude; sa usa ka indibidwal kun makainom na og bino.

Sa pamahayag sa doktor nga dili limod nga kun mag-inom dili malikayan nga usa lang ang baso nga gamiton.

Nakalatid usa sa resolosyon nga pamub-an ang curfew hour gikan sa kasamtangang alas-10:00 sa gabii hangtud alas-4:00 sa kaadlawon ngadto na sa alas-11:00 sa gabii hangtud alas-4:00 sa kaadlawon.