GENERAL SANTOS CITY – Gusto ni Kag. Dominador Lagare, Jr. nga angayang mapun-an ang mga bakanteng pwesto sa city hall nga adunay pondo.


Kini aron mas mahimo pa nga makatrabaho ang matag departamento og dili mahimong rason nga kulang ang empleyado.


Gihimong ehemplo niini ang City Engineers Office nga adunay 49 ka funded vacant positions.


Kahibaluan nga daghan ang misaway sa maong opisina gumikan daghang mga proyekto ang nadelatar sa paghuman.


Sa City Accounting Office adunay upat ka funded vacant position, City Agriculture 10, City Assesors Office 32, Cenro 13, City Health Office 19 og City Social Welfare and Development Office (CSWDO) adunay 24 ka funded vacant position.

Ang maong data ang duha ka bulan ang nakalabay na human nadawat niini gikan sa Human Resource and Management Office (HRMDO).