GENERAL SANTOS CITY – Dugay na nga gimonitor sa mga otoridad ang kanhing boxing champion nga si Eden Sonsana, 32 anyos may kalabutan sa illegal drugs activities.


Gibutyag ni P/Major Patrich Elma, ang hepe sa Makar Police Station nga nagpabilin karon nga kustodiya sa ilang presinto ang boksingero nga residente sa Alunan, Brgy. Bula ning syudad.


Matud ni Elma nga ipasaka ang kaso karong adlawa batuk kang Sonsona nga kalapasan sa Section 5 og Section 11, Article II sa Republic Act 9165 o Comprehensive Dangerous Drugs Act of 2002.


Sa pamahayag ni Elma, atol sa operasyon sa kapulisan sulod sa Chinese Cemetery sa Purok Bagangga, Barangay Apoponga, narekober kang Sonsona ang tulo ka sachet sa gituhuang shabu ug ang P500 buy-bust money.


Si Sonsona ang may 36 ka daog, 13 ka pildi, duha ka draw og 13 ka knockouts.


Ang ulahing engkwentro niini ang natigayon kanidtong Marso 17, 2021 kung asa napildi kang Rimar Metuda.