Patay ang usa ka lalake human nga gipusil sa wala mailhing mga suspek alas 4:45 kagahapon sa hapon sa Purok 30, Pag asa Village , Brgy Mabuhay ning syudad.

Ang biktima ang nailhan sa pangalan nga si Joemarie Almendal Montaño, 44 anyos, barebero, minyo nga residente sa Dacera Subd. Block 14 ning syudad.

Sa imbestigasyon sa kapulisan nga samtang gagupit ang biktima misulod ang suspek nga walay tabon ang nawong og gipusil.

Gibutyag nga ang biktima ang nakaangkon og mga samad sa lawas nga maoy hinungdan sa iyang kamatayon.

Duha ka mga suspek nga sakay sa motorsiklo ang gitudlong responsable sa kamatayon ni Montaño.

Gibutyag nga tulo ka empty shell sa .45 nga pistola ang nakit-an sa crime scene.

Ang kapulisan ang hugot nga gaimbestiga pa sa motibo sa kremin og masayran ang mga suspek.