GENERAL SANTOS CITY – Walay exempted kung kinsa ang matakbuyan sa Coronavirus disease infection.


Kini ang nahimong pamahayag ni Dr. Rochelle Oco, labaw sa City Health Office human niini gikumpirma sa publiko nga nagpabilin pa sa tambalanan ang bag-ong himugso nga batang lalake tungod nagpositibo sa COVID 19.

Gibutyag niini, ang maong newborn ang pinakabatang pasyente sa GenSan nga nanimuyo sa Asai Village sa Barangay Bula ning syudad .


Gikadugang ni Dr. Oco nga padayong gina-obserbahan ang maong bata bisan pa ‘stable’, himsog ug wala nay komplikasyon nga gibati. Nasayran nga positibo usab sa Covid ang inahan sa bata una pa man kini nanganak.


Sa pamahayag pa ni Dr. Oco nga pulos asymptomatic ang mag-inahan.