GENERAL SANTOS CITY – Mahimong nag-unang bisita sa plenary session sa Tuna Congress 2019 karong si Agriculture Secretary William Dar.

Matud pa ni Marfin Tan, ang usa sa mga key players sa tuna industry sa syudad nga sa panahon ni Sec. William Dar malaumon sila nga matigayon na ang dugay nila nga gilauman nga magmugna og Department of Fisheries.

Gibutyag ni Tan nga sa unang tuig sa Tuna Congress ang labing una nila nga giduso nga resolosyon mao ang kamugnaan sa Department o Fisheries kung asa anaa na sa 21 ka tuig wala pa natigayon.

Sa pamahayag pa niini nga mismo si Sec Dar ang may libro nga gihimo nga pinaagi sa kamugnaan sa Department of Fisheries masulbad ang daghang problema nga giatubang.

Kahibaluan nga kagahapon giablihan ang Tuna Congress Exhibit nga karong adlawa ang unang adlaw sa plenary session nga hisgutan ang mga problema og solosyon sa industriya.

Ang team sa 2019 Tuna Congress mao ang The Tuna Industry: Embracing Technologies and Sustainable Strategies.