Todo ang paningkamot sa Philippine Drug Enforcement Agency kon PDEA 12 nga magpabilin nga drug cleared ang barangay nga ila ng nadeklara nga hilway sa iligal nga droga.

Matud pa ni Naravy Duquiatan, OIC regional director sa PDEA 12 nga 968 o kaha 86.6% sa 1,158 ka mga barangay sa tibook rehiyon ang gideklara na nga drug cleared.

Kini gumikan sa programa nga gipatuman sa PDEA kauban ang barangay og sa kooperasyon sa katawhan aron hinay-hinay nga mareporma ang mga tawo.

Nasayran nga sa 199 ka mga barangay sa South Cotabato, 159 ang gideklara nga drug cleared.

Sa North Cotabato 543 ka barangay 442 ang drug cleared.

-- Advertisement --

Sa bahin sa Sultan Kudarat nga adunay 249 ka mga barangay 226 ang drug cleared.

Sa Sarangani adunay 141 ka mga barangay 167 niini ang drug cleared.

Sa South Cotabato nga adunay 199 ka barangay ang 159 ang drug cleared na.

Sa GenSan nga adunay 26 mga barangay, siyam ang gideklara nga drug cleared na.

Malaumon si Duquiatan nga sa dili magdugay ang nahibilin nga 167 ka mga barangay sa Region 12 ang ideklara na usab nga drug cleared.