GENERAL SANTOS CITY – Upat ang frontliners samtang tulo ang sakop sa PNP nga lakip sa 19 nga bag-ong nagpositibo sa Covid-19 infections sa GenSan sa milabayng 24 oras.


Base sa gipagawas nga case profile sa City Health Office, duha ang nurse kung asa 34 anyos nga babaye nga residente sa Dadiangas South, 31 anyos nga lalaki nga taga Apopong.


Samtang may 23 anyos nga babaye nga usa ka medical technologist nga taga Katangawan og 61 anyos nga babaye, usa ka dentista nga taga Dadiangas West.


Lakip sa tulo ka pulis ang 24 anyos nga babaye nga taga Apopong, 34 anyos nga babaye nga taga Lagao og 33 anyos nga babaye nga Calumpang.


Sa 19 ka COVID cases sa dakbayan, tulo ka residente ang gikan sa Apopong, tag-upat sa upat sa Calumpang og Lagao, tag-duha ka residente sa Katangawan og City Hieghts og tag-usa sa Dadiangas West, Dadiangas South, San Isidro og Tinacagan.

-- Advertisement --


Base sa ulahing datus nga gipagwas sa DOH nga misaka na sa 2,366 ang COIVD case sa Gensan, kung asa 115 ang aktibong kaso, samtang, adunay 10 ang naka-rekober kaghaapon hinungdan nga anaa na karon sa 2,162 ang total recoveries ug nagpabilin sa 89 ang Covid-19 related deaths.


Mukabat sa 75 ka bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region hinungdan nga misaka na karon sa 6,906 ang kumpirmadong kaso sa rehiyon.


Sa maong ihap 485 ang aktibong kaso, mitala na sa 6,174 ang total recoveries human nga adunay nadugang nga 55 nga bag-ong nagmaayo samtang 245 na ang COVID-19 related deaths sa rehiyon