GENERAL SANTOS CITY – Dugang 70 ka mga residente sa dakbayan ang nagpositibo sa coronavirus disease base sa labing ulahing report sa DOH – Center for Health Development Soccsksargen Region.


Tungod niini mukabat na sa 5,583 ang katibuk-ang ihap sa nagpositibo sa virus sa dakbayan kung asa 693 niini ang active cases.

Mukabat sa 4,719 ang total recoveries sa syudad human mitala kagahapong adlawa ang 84 ka mga indibidwal nga nagmaayo sa maong makamatay nga virus.


Nasayran nga anaa na sa 20,794 na ang katibuk-ang kaso sa Covid 19 sa rehiyon human nga nadugang kagahapon ang 258 samtang mukabat sa 3,703 ang aktibo og 16,459 ang nakarekober na sa sakit sa rehiyon dose og 628 ang patay.


Samtang mitala na sa 171 ang Covid-19 related deaths sa syudad, 189 sa North Cotabato; 29 sa Sarangani; 164 sa South Cotabato ug 75 gikan sa Sultan Kudarat.