GENERAL SANTOS CITY – Gipatawag sa session kagahapong adlawa si Dr. Rolando Maravilla sa City Health Office kon CHO kon asa gipaklaro niini ang kalabot sa mga natalang kaso sa dengue dinhi sa dakbayan human nga gikaalarma sa mga konsehal.

Gipaklaro ni Dr. Maravilla nga suspected case pa lamang sa dengue ang kapin sa 900 ka kaso nga ilang natala og unom ang namatay.

Ang sa ilang gisumiti nga samples ngadto sa RITM kon Research Institute for Tropical Medicine, 17 pa lamang ang kompirmadong kasoUna niini na-alarma pagmaayo ang syudad sa report nga kapin na ang 900 ang kaso sa dengue og unom ang namatay nga adunay 185 percent ang pag-usbaw itandi sa miaging tuig sa susamang panahon.

Base sa rekord sa CHO, gibutyag ni Dr. Washington Loreno nga ang adunay labing daghang kaso sa suspected dengue mao ang Barangay sa Calumpang- 132, Lagao-112, fatima-92, San Isidro-86, Labangal-70, Bula–64, City Heights–38 og Apopong-38 usab ang dengue cases nga natala.