GENERAL SANTOS CITY – Mukabat sa 56 ka mga pamilya nga gilangkuban sa 240 ka mga indibidwal nga mga residente sa Sitio Liab, Barangay Pag-asa, Alabel, Sarangani Province ang gihikling sa sa usa ka luwas nga lugar human makita duol sa ilang pinuy-anan ang dagkong liki sa yuta.

Sa gihimong pagsusi sa Provincial Disaster Risk reduction Management Office sa pagpanguna ni Rene Punzalan , anaa sa 60 ektarya ang gilapdon sa yuta nga mamahimo nga mahugno.

Ang mga dagkong liki ang mugna matud pa sa makusog nga pagtay-og sa linog sa Mindanao miaging Oktubre.

Nakita sa taga PDRRMO nga adunay mga logot nga nahubsan ug tubig gituhu-an nga naadto sa ilawom nga bahin nga maoy nakapahumok sa lugar samtang nagapadayon ang paghunob sa tubig nga nagresulta sa tension cracks.

-- Advertisement --

Matud sa taga PDRRMO nga Landslide-prone area gihapon ang tibuok lugar hinungdan nga makunsidera kining danger zone.

Temporaruyo una nga gipapuyo sa mga lugar nga dili apektado nga lugar ang mga residente samtang mangita pa ug relocation ang LGU Alabel alang sa mga nahisgutang mga residente.