Nagpaklaro si Dr. Jett Oco, local IATF incident commander og department head sa City Health Office kon CHO sa duha ka sunod sunod nga adlaw nga tag 50 ka kaso sa COVID ang natala sa syudad.

Matud pa ni Dr. Oco nga limitado ang test kits sa syudad hinungdan nga ang samples gipadala sa Cotabato City Regional Medical Center. Gikadugang pa niini nga sa maong ihap daghan pa ang gituohan nga posibleng positibo sa COVID 19.

Una niini gibutyag usab ni Dr. Ryan Aplicador ang local IATF incident deputy commander nga adunay mga medtech sa molecular laboratory nga nagpositbo sa COVID 19.

Gumikan niini dili na 24 oras nga mag-operate ang labotatoryo tungod sa kakulangon sa mga empleyado.

Sa pamahayag usab ni Dr. Oco nga kasagaran sa mga nagpositibo karon ang wala nasayod kinsa ang nakatakod kanila.

Nagpasabot kini nga bisag asa na ang virus nga pwede matakdan bisag kinsa.