GENERAL SANTOS CITY – Dugang covid 19 vaccine ang nadawat sa Department of Health-Center for Health Development SOCCSKSARGEN Region gikan sa national government.

Nadawat nga AstraZeneca og Sputnik V vaccine sa DOH 12 gikan sa national government.

Nasayran nga duha ka matang sa bakuna ang niabot kagahapon sa buntag nga gilangkoban sa AstraZeneca og Sputnik V vaccine.

Anaa sa 45,700 doses sa AstraZeneca vaccine og 2,400 doses sa Sputnik V vaccine ang bag-ong naangkon karon sa Region 12.

Ang mga naasoyng bakuna ang gitagana sa mga nahibiling indibidwal ilawom sa priority groups A1-fronliner/healthcare worker, A2- Senior Citizen og A3- indibidwal nga adunay balatian.

Lauman sa sunod nga mga adlaw ipang-deliver na ang naasoyng mga bakuna sa nagkadaiyang LGUs sa rehiyon dose.