GENERAL SANTOS CITY – Wala magkulang ang kapulisan sa pagpahimangno sa ilang mga ginsakpan nga kanunay nga ipatuman ang minimum health protocol nga pagsul-ob sa facemask, face shield ug ang social distancing sa tanang higayon.

Sa pamahayag ni Police Brig. General Bernard Tambaoan, Deputy Regional Director For Administration sa Police Regional Office 12 nga mukabat na sa 316 nga miyembro sa kapulisan sa tibuok rehiyon 12 ang nataptan sa covid 19 gikan Marso milabay’ng tuig hangtud hunyo ning kasamtangang tuig.

Police Regioinal Office(PRO) 12 sa Brgy Tambler, GenSan

Hinuon sa karon 210 na ang mga naka-rekober, samtang anaa na sa 98 ang anaa sa mga isolation facility ug pito ang nagpabiling anaa sa hospital.

Sagad matud pa sa mga pulis nga anaa sa isolation facility mga asymptomatic. Ang nagpositibo ang sagad kanila ang anaa sa-assign sa admin section og wala na-assign sa checkpoint.

Gikanayong istrikto ang pagpatuman sa kapulisan sa pagsunod sa minimum health protocol apan dili tanang higayon mamonitor ang aktibidad sa ilahang mga personahe ilabi pa kung wala na sa ilang tagsa tagsa ka mga duty.