GENERAL SANTOS CITY – Pulos may koneksyon sa fishport ang namatay gumikan sa COVID 19 sa Sarangani Province.


Matud pa kang Dr. Arvin Alejandro, provincial health officer sa Sarangani nga ang labing ulahing namatay ang usa ka 56 anyos nga babaye nga may travel history sa GenSan fishport.


Gibutyag ni Dr. Alejandro nga namatay ang maong pasyente pipila ka adlaw human nga na-admit sa ospital apan walay laing balatian.

Gilayon nga gi-cremate ang bangkay sa maong namatay.
Ang namatay nga babaye nga taga Maasim kung asa wala

gaadtuan sa fishport apan ang iyang bana og mga kauban sa compound ang kanunay nga gaadto sa maong dapit.


Samtang giangkon ni Dr. Alejandro nga kadtong namatay sa Alabel ang nagpahigayon og party nga gitambungan sa usa ka police nga na-assign sa Maitum, Sarangani Province nga maoy hinungdan nganong na-quarantine ang halos tanang personahe sa maong police station.

Hinoon gipaklaro ni Dr. Alejandro nga kadtong police nga may close contact sa namatay ang negatibo sa COVID 19.


Gibutyag niini nga bisag negatibo ang maong pulis ipadayon ang quarantine sa mga pulis og kung walay mgha sintomas pwede na mahuman ugmang adlawa.