GENERAL SANTOS CITY- Ginahikay na sa kapulisan ang kasong pagsupak sa Sec. 5 sa R.A 9165 kon Comprehensive Dangerous Drugs Act of 2002 nga ipasang-at batok sa usa ka kanhing miyembro sa kapulisan human nga kini nadakpan sa mga otoridad sa buybust operation niadtong adlaw nga Biyernes.

Pinaagi sa hiniusang pwersa sa pwersa sa RIU 12, CPDEU, Task Force Gensan ug HPG 12 dakpan sa gikasang operasyon sa kapulisan sa Doña Soledad, Brgy. Labangal ning dakbayan ang nagpangalan og Elliver Maladian Cablitas, 55 anyos nga residente sa nasampit nga lugar.

Matud kang P/Maj Patrich Elma, hepe sa Makar Police Station, napalitan ug usa ka sachet sa gituuhang shabu ang suspek kantidad 500 ka pesos.

Samtang, dakpan usab sa bubust operation sa kapulisan sa Rosario Village, Brgy. Lagao ning dakbayan aging adlaw ang suspek nga si Genovevo Olaya Abapo, Alyas Totoy Bibo, 47 anyos nga residente sa nasampit nga lugar.

Matud kang PMaj. Yol Hilado, hepe sa Lagao Police Station positibong napalitan og iligal nga droga ang kanhi tigpatuman sa balaud.

Gibutyag niini nga wala sila nasayod niadtong una nga usa ka retired PNP personnel ang ilang ka-transaksyon apan gihingusgan niini nga wala silay ginapaboran bisan kinsa kung nakahimo og salaod.

Hinuon sama sa mga yanong drug suspect muagi usab si Abapo og due process sa atubangon nga kaso.

Nakuha gikan sa posisyon sa suspek ang duha ka sachet sa gituuhang shabu nga adunay street value nga 1, 216 pesos ingon man usa ka cellphone.

Sa kasamtangan, ginahikay na ang kasong pagsupak sa Sec. 5 sa R.A 9165 nga ipasang-at sa kapulisan batok sa suspek.

Sa karon ang duha ang pulos balhog na sa selda.