GENERAL SANTOS CITY – Mukabat sa 12,000 ang mga trabahante sa Gensan Fishport nga gilauman nga mabakunahan batok sa COVID 19.

Matud pa kang Paris Ayon, sa GenSan Fishport nga angayang ilang paspasan ang pagbakuna sa 2,500 ka dose sa Sinovav vaccine nga unang gigahin alang kanila.

Vaccination rollout sa GenSan Fishport

Sa iyang pamahayag nga mipasalig si Vaccine czar Carlito Galvez nga oras nga mahurot ang gihatag ang pwede na usab mangayo og dugang vaccines.

Giangkon ni Ayon nga adunay mga trabahante nga nagdumili nga magpabakuna apan gipangkamutan nga mabakunahan batok sa COVID 19 aron may proteksyon.

Nasayran nga mismo na si Sec. Galvez ang namahayag nga unahon ang mga trabahante sa fishport gumikan dako ang epekto sa ekonomiya kung maapektuha sa virus.

Samtang sa miaging Sabado nagsugod ang pagbakuna sa mga trabahante sa fishport og magpadayon karong adlawa.