GENERAL SANTOS CITY – Sa labing unang higayon natala sa Region 12 ang kapin sa 100 ka kaso sa COVID 19 ang natala sulod lamang sa 24 oras.


Sa labing ulahing report gikan sa DOH – Center for Health Development Soccsksargen Region nga 118 ang bag-ong kaso sa COVID 19, kung asa 44 ang recoveries og usa ang patay nga taga GenSan.


Sa nasampit nga ihap 49 ang gikan sa South Cotabato kung asa 29 ang gikan sa Koronadal City, 26 gikan sa Pres Roxas nga sakop sa North Cotabato, 23 sa Sarangani kung asa 12 gikan sa Alabel, onse sa GenSan, og walo sa Sultan Kudarat.


Gumikan niini anaa sa 2, 508 ang kaso sa COVID 19 sa GenSan, 162 ang active cases og 92 ang patay. Sa South Cotabato adunay 2,386 ka kaso, 399 ka active cases og 57 ang patay.

Sa North Cotabato adunay 1,226 ka kaso, 119 ang active cases og 69 ang nakabsan sa kinabuhi. Sa Sultan Kudarat adunay 781 ka kaso, 58 ang active cases og 20 ang patay.


Sa Sarangani adunay 729 ka kaso, 71 ang active cases og 18 ang patay.

Sa katibuk-an adunay 7,629 COVID-19 confirmed cases sa Region 12 kung asa 809 (10.60%) ang active cases, 6,562 (86.01%) ang recoveries og 256 (3.36%) ang COVID-19 related deaths.