Binalaan ng Department of Social Welfare and Development (DSWD) ang publiko laban sa mga pekeng dokumento para makakuha ng emergency na tulong mula sa ahensya.
Sinabi ng DSWD na kanilang ikinalulugod na mapadali ang mga kahilingan para sa tulong sa pamamagitan ng Assistance to Individuals in Crisis Situation (AICS), ngunit nagbabala na ang mga magsusumite ng mga pekeng documentary requirements ay “mapapatawan ng kaukulang parusa kasunod ng angkop na proseso.”
Ang Assistance to Individuals in Crisis Situation (AICS) ay programa ng DSWD na tumutulong sa mga indibidwal at pamilya na nangangailangan ng agarang tulong para sa mga serbisyong medikal, libing, pagkain, transportasyon, edukasyon, o iba pang suporta.
Sa pagsisikap na gawing mas accessible ang programa, pina-streamline ng DSWD ang proseso ng programa upang matiyak na ang mga kinakailangan ay hindi magpapabigat sa mga kliyente.
Nauna nang nagbabala si DSWD Secretary Erwin T. Tulfo na “ang mga fixer at unscrupulous na indibidwal na nakompromiso ang integridad ng programa ay haharapin nang naaayon.”
Umapela ang DSWD sa publiko na tumulong na pangalagaan ang integridad ng mga programa at serbisyo nito, at iulat ang mga fixer at kliyente na gumagamit ng mga pekeng dokumento para magamit ang mga serbisyo ng ahensya.
