-- Advertisements --
doh cases 06202020

Umakyat na sa kabuuang 29,400 ang bilang ng mga kumpirmadong kaso ng coronavirus disease 2019 (COVID-19) sa Pilipinas.

Sa panibagong case bulletin na inilabas ng Department of Health (DOH), umabot sa 943 ang panibagong mga kaso na naiulat ngayong Sabado.

Sa naturang bilang, 578 ang itinuturing na fresh cases o mga kaso ng sakit na lumabas ang resulta at na-validate sa nakalipas na tatlong araw.

Mayroon namang 365 late cases o mga kaso ng sakit na lumabas ang resulta sa nakalipas na apat na araw pero ngayon lang na-validate.

Samantala, lumobo na sa 7,650 ang bilang ng mga gumaling mula sa nakahahawang sakit matapos madagdagan ng 278.

-- Advertisement --

Habang ang dealth toll naman ay nasa 1,150 bunsod ng 20 na panibagong namatay bunsod ng coronavirus.

Sa napaulat na mga death cases, 15 (75%) ang nangyari noong Hunyo 5 hanggang 16.

Dalawang duplicate din umano ang inalis mula sa kabuuang case count.