Nagnegatibo na sa coronavirus si tennis star Novak Djokovic at asawa nitong si Jelena.

Ayon sa kampo ng Serbian tennis star, ito ang lumabas sa pinakahuling resulta na isinagawang PCR test sa mag-asawa.

Walang nakitang sintomas ang dalawa mula ng sila ay nag-quarantine ng 10-araw.

Nakuha nito ang nasabing virus sa Adria tennis tour ang inorganisa ni Djokovic sa Belgrade at Zadar, Croatia.

Naging pang-apat na tennis player si Djokovic na nagpositibo sa virus dahil sa pagsali sa torneo na kinabibilangan nina Grand Slam semifinalist Grigor Dimitrov, Borna Coric at Viktor Troicki.