DAVAO CITY – Padayon karon ang pagpatuman sa Vices Regulation Unit (VRU) sa mga ordinansa sa siyudad ug nanganti kini sa mga malapason nga dili magpanuko nga pangsikupon.

Una ng nasayran sa ahensiya nga mikabat karon sa kapin P8 milyon ang ilang nahimong koleksiyon gumikan sa nagkadaiyang kalapasan sa ordinansa partikular na sa Anti-smoking ordinance ug ubay-ubay sab ang nadakpan human nga nakalapas sa liquor ban ug sobriety ordinance. 

-- Advertisement

Sumala pa kang Hernando Las, head VRU, mikabat sa 10,122 ang ilang natalang nakalapas sa anti-smoking ordinance diin 500 niini ang ilang napasakahan ug kaso. 

Gikanayong sa first offense, anaa sa P2,000 ang ipahamtangan nga multa; P3,000 sa second offense samtang P5,000 sa third offense.

Nanawagan na lamang si Las sa publiko nga dili mosupak sa  kamandoan sa  lokal nga kagamhanan ilabi na nga dili sab uyon si Mayor Inday Sara Duterte-Carpio sa mga malapason sa balaod.

Gani padayon sumala pa karon ang ilang enforcers sa pagtuyok-tuyok karon sa siyudad aron nga imonitor kadtong mag masinupakon sa ordinansa.