DAVAO CTIY – Gipasidungan kagahapon, Hunyo 4, ning tuig ni Vice President ug DepEd Secretary Sara Duterte ang mga stakeholders nga nitabang sa pagpangapud-apud og hinabang sa mga teaching and non-teaching personnel sa kapin 37,000 sa mga benepisyaryong magtutudlo ug magtutungha sa BARMM, kini kabahin gihapon sa Pahalipay sa Ramadan nga proyekto sa DepEd alang sa mga kaisgusonang Muslim sa Bangsamoro Autonomous Region in Muslim Mindanao.
Nisalmot atol sa programa ang mga sakop sa Philippine Army, Philippine Navy, Philippine Air Force, pipila ka mga opisyales sa DEPED ug mga pribadong sektor. Ang Pahalipay sa Ramadan, usa ko programa sa DEPED nga nagsuporta sa Learning Continuity sa mga tulunghaan sa BARMM.
Personal nga nagpasalamat ang Bise Presidente sa mga nitabang sa pagpahinayon sa maong programa ilawom sa Bansang Makabata, Batang Makabansa kon MATATAG Agenda sa buhatan.
Matud pa ni VP Sara, dagkong kabahin sa kalampusan sa maong proyekto ang hingpit nga kooperasyon tali militar ug ubang stakeholders alang sa ilang pakighiusa sa mga Muslim panahon sa Ramadan.
Gipasalig sa bise ang nagpadayong programa sa DepEd batok insurhensiya.
