DAVAO CITY – Gikumpiska sa mga personahe sa NBI XI ang mga furnitures sama sa sofa, lingkuranan, chandeliers, mga kama ug light fixtures nga gipang-install sulod sa usa ka tourist spot sa Marilog District nga nailhang Secret Peak Buda Cafe and Staycation kini human nga nasayrang walay lisensya kon pagtugot ang tag-iya nga gamiton isip tourist spot nga nahimutang sa Purok 11, Sitio Langub, Brgy Baganihan, Marilog District gikan sa Department of Environment and Natural Resources 11.
Dali dayong mipahigayon og Search Warrant ang nahisgutang ahensiya kaganinang buntag ilawom sa gipagawas nga taho kabahin niini si Regional Trial Court Acting Executive Judge Rowena Apao-Adlawon.
Matud pa, nakitaan og “sufficient probable cause” ang maong establisyemento diin gipanghilabtan ang bisan unsang sulod sa langob nga mamahimong makaapekto gayod sa natural formation sa ilawom sa kalapasan niini sa RA 9072 kon National Caves and Cave Resources Management and Protection Act.
Ang search warrant gipagawas ni Executive Judge Adlawan base sa hangyo ni Regional Executive Director Bagani Fidel Evasco sa Department of Environment and Natural Resources 11.
via || Bombo DB
