DAVAO CITY – Gi-lockdown karon ang usaka pribadong ospital sa Calinan ning dakbayan sa Dabaw human  nag-positibo sa CPVID 19 ang  usa sa  mga doktor niini.   

Samtang, moabot usab sa 54 ka mga tawo ang kinahanglan nga ipa-ilalom sa swab test nga maoy nahimong close contact sa nahisgutang doktor.  

-- Advertisement

Subay sa impormasyon,   una pa man migawas ang kompirmasyon nga nag-positibo sa covid 19 ang nahisgutang doktor , mipahigayon pa kini ug pag-rounds ngadto sa iyang mga pasyente sa nahisgutang balay tambalanan.

Sa nahisgutang ihap 21 mga pasyente, 21 usab ang mga watcher ug 12 ang mga nurses.   

Gipatuman ang lockdown sa nahisgutang balay tambalanan sugod kaganinang alas dos sa kaadlawon. 

Niadtong biyerbes giswab test sumala pa ang maong doktor, apan mihimo pa gayud kini ug pag-rounds pagka-ugma sabado.