DAVAO CITY – Anaa sa upat ka mga cacao farmers gikan sa nasod diin tulo niini ang taga Davao region ang gikatakdang mosalmot sa ipahigayon nga 2021 International Cocoa Awards (ICA) nga ipahigayon sa Salon du Chocolat sa Paris, France sa bulan sa Oktubre.

Sumala pa kang Department of Trade and Industry-Caraga director Edwin Banquerigo, secretariat sa Philippine National Cacao Industry Council, nga laraw sa maong lakang nga mabutang ang Philippine cacao sa global arena.

-- Advertisement

Gikanayong sila si Arthur Lagoc, sa Barangay Talandang, Tugbok District ug Solidad Robillo, sa Barangay Gumalang, Baguio District ning siyudad ug Carlos Brasiculasa Barangay Sawata sa Davao del Norte kauban si Christopher Fadriga sa Barangay Atipuluan sa Bago City, Negros Occidental ang mga napili nga mosalmot sa kompetisyon sa France human nga nakadaug ang mga nahisgutan sa 2021 Philippine Cacao Philippine Quality Award (PCQA) diin anaa sa 23 ka mga entries ang misalmot latas sa nasod.

Gikanayong ang pagsalmot sa nasod satrade fairs ug kompetisyon mamahimo dalan sa pagmugna ug mas lig-on nga Philippine cacao products.

Kahinumduman nga ang Puentespina Farms nga maoy migama sa mga world-class Malagos Chocolate ang nakadawat ug daghanan nga international recognitions sa ilang mga chocolate products diin usa na niini ang  Best 50 Beans in the World kaniadtong 2017.