DAVAO CITY – Gibutyag sa Task Force Davao (TFD) nga ubay-ubay ka mga indibidwal ang ilang nadakpan nga nalambigit sa ginadili nga druga nga milatas sa mga checkpoint dinhi sa dakbayan.

Sumala pa kang TF Davao spokesperson Major Ronel Legarde, anaa sa 61 ka mga indibidwal ang ilang nasikop uban ang P11 million nga kantidad sa illegal nga druga nga ilang nakumpiska sukad Abril 2020 hangtud sa kasamtangan.

-- Advertisement

Gikanayong sagad sa mga nahisgutan ang mitabok sa  checkpoints nga nahimutang sa Lasang, Calinan ug Toril. Gikanayong ang pinakadako nga ilang nadakpan sa TF Davao checkpoint operations ang natala kaniadtong Disyembre 4, 2020 diin nakuhaan nila ang dinakpan ug kapin kun kulang 255 grams sa shabu nga kantidad sa P4 million diin napatay sa otoridad ang suspek human nga mipakita ug pagsukol sa otoridad.

Samtang una na sab nga gibutyag ni TF Davao Commander Colonel Consolito P Yecla nga magpadayon ang ilang mga lakang nga himuon alang sa mga dabawenyo ingon man mga aktibidad nga makahatag ug kaalam sa katawhan partikular na kung paunsa batukan ang mga dautan nga elemento nga plano isabotahe ang kahusay ug kalinaw sa dakbayan.