DAVAO CITY – Gipahibalo sa lokal nga kagamhanan nga tanan nga mga international passengers nga ilalom sa repatriation program ug special commercial flights nga motugpa sa Davao International Airport (DIA) kinahanglan una nga mo-comply sa “Test Before Travel” Ordinance RT-PCR (reverse transcription-polymerase chain reaction) negative test result nga gikuha kapin 72 hrs ayha ang biyahe niini o 48 hours nga gi-require sa otoridad gikan sa lugar diin kini nanukad.

Kalakip sab sumala pa ang mga Overseas Filipino Workers (OFW) ang gi-require nga magpa-rehistro sa Overseas Workers Welfare Administration (OWWA) ayha ang pagsulod niini sa  hotel.

-- Advertisement

Ang mga Non-OFWs nga gikan sa mga restricted countries kinahanglan nga mopailalom sa 14 days nga quarantine sa hotel, 10 ka adlaw alang sa mga naggikan sa non-restricted countries, ug pito ka adlaw alang sa mga fully vaccinated travellers.  

Sa mga international travelers, mandato sila nga magpa-reserve alang sa swabbing schedules dungan sa pag-abo sa DIA.