DAVAO CITY – Gibutyag ni Pol. Col. Kirby John Kraft, director sa Davao City Police Office (DCPO) nga nagpahimutang na sila karon og temporary checkpoint pasulod sa Davao City Jail kini aron masiguro nga walay illegal nga kontrabando nga makasulod sa nahisgutan nga pasilidad.

Tipik lamang kini human ang ulahing insidente diin plano nga ipayuhot sa mga nagpailang miyembro sa usa ka religious organization ang mga pakete sa ginadili nga druga nga gisulod sa mga noodles.

-- Advertisement

Sumala pa kang Kraft, nga makatabang ang checkpoint aron masiguro nga ma-check pag-ayo ang mga posibleng isulod sa pasilidad ilabi na nga dili sab mamahimong manginlabot ang mga sakop sa kapulisan sa mga pamaagi nga gipatuman sa BJMP sulod sa ilang pasilidad.

Sa pikas nga bahin, tungod sa nagpadayon nga bahad sa COVID-19, nanawagan na lamang ang opisyal sa mga dabawenyo nga pabiling motamud sa health protocols sama sa pagsuot og facemask, face shield ug magdala og alcohol aron nga maka-disinfect bisan unsang orasa.

VIA // Bombo Emman Dela Peña