DAVAO CITY – Nakakuha na og impormasyon ang Tagum Police mahutungod sa gigamit nga sakyanan sa suspetsado atol sa pagpanglungkab sa Gaisano Grand Mall, Apokon Road, Tagum City, Davao del Norte niadtong miaging gabie.
Sa ekslusibong pakighinabi sa Bombo Radyo Davao, gikanayon ni Pat. Mark Paul Dalman, investigador sa Tagum PNP nga aduna sila’y lead sa sakyanan nga gigamit isip “get-away” ug kasamtangan ilaha kining ginasubay aron malocate ang gikahimutang sa behikulo.
Matud pa sa imbestigador, nisulod ang mga suspetsado sa basement sa maong mall diin ang tapad niinii adunay bakanteng luna, ug subay matud pa sa imbestigasyon adunay posibilidad nga nag-pabilin usa ang mga suspek nga daw gituohan sa mga kapulisan nga giplanuhan gayud ang maong krimen.
Dugang pa nga walay sekyu nga naka-duty sulod sa maong mal niadtong tungura, ug pipila san ka mga metal ug gabas ang narekober gawas sa gibusloton nga bongbong duol sa bakanteng luna.
Wala sab kamatikod ang ubang mga sekyu sa paghimo sa nasangpit nga krimen.
Pagbana-bana pa sa Tagum PNP, adunay insider nga naghimo sa maong krimen busa naglusad usab ang buhatan og background check sa tanang security personnels sa maong mall.
Gipasalig sa Tagum PNP nga padayon ang pagpahigayon og patrolling ingon man pagdeploy sa ilang foot ug motor cops nga mulibot gayud latas sa syudad.
Kahinumduman mukabat sa P14 milyones nga kantidad sa kwarta ang nalimas sa mga organisadong kawatan lakip na alahas diin gilungkab sa mga nahisgutan ang sa usa ka jewelry shop ug duha ka ATM nga pulos under maintenance.
Nasayran nga anaa sa P9 million ang nakulimbat sa mga kawatan gikan sa jewelry shop, samtang P4.3 million ang gikan sa duha ka ATM stalls sulod sa mall.
Dugang pa nga sa kinsa mang may kasayuran sa mga nagpaluyo sa krimen, mamahimong mokontak sa ilang hotline number: 09197485024.
via || Bombo HJR & Bombo LJF
