DAVAO CITY – Kasong kalapasan sa Food and drugs administration Act ingon man Republic Act 11469 o Bayanihan to heal as one act ang iduso batok sa usa ka lalaki kinsa nalambigit sa illegal nga paghimo ug mga medical supplies.

Nadakpan atol sa gilusad nga operasyon ang usa ka Michael Javier sa usa ka balay nga gihimo niining manufacturing area sa Phase 1 Deca Homes Barangay Indangan ning dakbayan sa Davao.

-- Advertisement

Una ng narekober sa mga sakop sa National Bureau of Investigation (NBI) ang mga ginalon nga mga alcohol, hand sanitizer, liquid disinfectant, ug uban pang mga medical supplies nga walay igong papeles.

Kaabag sa NBI ang mga personahe sa Food and Drug Administration (FDA) gumikan kay dili sumala pa rehistrado ang paghimo sa nahisgutan nga mga medical supplies.

Sumala pa kang Joel Ayop, tigpamaba sa NBI-11 nga magpadayon ang ilang operasyon batok sa mga illegal nga nagapamaligya ug mga produkto ingon man kadtong nagpahimulos atol ning panahon nga gipatuman ang enhanced community quarantine (ECQ).