DAVAO CITY – Dead on arrival sa ospital ang usa ka driver sa truck human nga misukol sumala pa kini sa joint buybust operation sa mga operatiba sa Brgy. Coronon, Sta. Cruz Davao Del Sur.

Gipangunahan sa mga operatiba sa Talomo PNP ubos sa pagdumala ni PMaj. Sean Logronio, Station Commander, inabagan sa PDEA, CSOG, RSOG XI, PIU Del Sur, Sta. Cruz MPS ug uban pang enforcement unit sa mga kapulisan.

-- Advertisement

Ang suspek naila nga si Alim Lembang 46 anyos, driver sa wing van nga Gikonsidera nga Top 4, sa regional level sa drug watchlist nga taga Parang Maguindanao ug kauban ang duha ka mga helper nga sila Datu Faisal ug Fahad Nasser.

Mikabat sa 10 ka mga pakete sa iligal nga druga kon shabu ang nakumpiska nga gibana-banaan nga mitimbang ug 65 grams.

Narekober sab ang .45 Armscor pistol ug mga bala nga gipanag-iyahan sa suspek nga dunay tulo ka mga alyas, ( Nas, Bapa, ug Boss). 

Nasayran, gawas nga nagahatod ang mga suspek ug produktong lubi sa maong area gikan sa Maguindanao ginahimo sab nga sideline ang pagpamaligya ug iligal nga druga nga sagad dire sa dakbayan sa Davao, Del Norte ug uban pang bahin sa rehiyon onse. 

Narekober sa crime scene ang usa ka jumbo size rectangular shape nga gi-undan sa shabu, usa ka coin purse/pouch color camouflage nga gisudlan sa laing pa nga mga pakete sa illegal drugs, boodle money ug ang .45 calibre pistol nga gigamit sa suspek.

Ang mga nakumpiskang illegal nga druga ang nagkantidad ug kapin usa ka milyon nga pesos ug motimbang kini ug 65 grams.

Sumala pa ni PMaj. Sean Logronio, COP, atol sa paghinabi sa Bombo Radyo nga pursigido sila ug iyang gipasalamatan ang iyang mga ginsakpan sa gihimong pagkugi ug dungan sa pagpahimangno nga gukdon niini ang mga malapason sa iligal nga druga.