DAVAO CITY – Gibutyag ni Police Staff Sgt. Virgilio Buhat, Investigator sa Tagum PNP nga ayha ang gihimong pagpamusil sa naghurumentado nga si Staff Sgt Arvin Bureros  sa iyang duruha ka mga kaubanan sulod sa headquarters sa 10th civil military operations battalion sa Brgy San Agustin Tagum City  sa milabay nga gabie, nakasuk-an sumala pa kini sa usa sa mga biktima nga si Major Franklin Embat.

Kahinumduman nga patay si Embat ug lain pa nga biktima nga si Technical Sgt  Sandatu Tuma ug gika-angol sa lain pang usa ka sundalo nga nailang si Major Mineheart Maliawao.

Gikanayong mi-inom ug alak ang suspek ug tungod sa iyang kalagot, mibalik kini ug sulod sa kampo dungan sa pagluwat ug pulong nga “ TAPOSON NA NATO NI” dayon gipaulanan ug bala ang iyang mga kaubanan.

Una ng gihulagway nga hilumon ang suspek  dungan sa kapin 20 ka tuig niya sa serbisyo.

Sa kasamtangan, gipaslak na sa Tagum PNP ang nahisgutan ug mag-atubang ug kasong murder

-- ADVERTISEMENT --