DAVAO CITY – Magpahigayon karong adlawa ang Davao City Public Safety and Security Command Center, Task Force Davao, Davao City Police Office ug security agencies og usa ka Simulation Exercise kon SIMEX sa SM Lanang Premiere.

Laraw sa aktibidad nga mapakusgan pa ang counter-terrorism strategy sa mga pwersa sa seguridad ug aron nga mapalambo ang kultura sa seguridad dinhi sa Dakbayan.

Sumala ni PSSCC head Angel Sumagaysay, kabahin sa ilang routine exercise ang aktibidad karong adlawa aron matino nila ang mga gikinahanglan nilang palig-unon o di kaha bag-uhon sa ilang estratehiya ug masulayan ang kaandam batok sa mga hulga sa terorismo.

Usa ka mock improvised explosive device kon IED attack ang scenario alang sa SIMEX karon adlawa.

Dinhi usab masukod ang interoperability sa security cluster sa maong bahad.

-- ADVERTISEMENT --

Angay lang sab sumala pa kining pagahimuon karong daghan ang mga tawo nga mudagsang sa mga mall ug uban pang suruyanan karong Christmas season. Bisan walay hulga nga nadawat ang Dakbayan, dili angay nga magkumpiyansa ang tanan.

Ilang gipahibalo ang publiko nga walay angay kabalakhan sa pagahimuong aktibidad karong adlawa.