DAVAO CITY – Gihan-ay pa karon sa service providers sa Davao Safe QR (DQR) ang ilang contact tracing module aron masiguro nga walay glitches sa higayon nga ipagawas na ang app niini.

Sumala pa kang Mayor Sara Duterte-Carpio, mihimo na karon ug lakang ang lokal nga kagamhanan aron masiguro nga glitch-free ang implementasyon niini. Nasayran nga ang DQR contract-tracing platform gipatuman sa lokal nga kagamhanan kini aron masiguro nga dali na lamang ang pag-trace sa mga tawo nga nakahimamat ug mga indibidwal nga nag-positibo sa Covid-19 sa ilang area.

-- Advertisement

Gikanayong nagpagula ang siyudad kung paunsa ang paggamit ug pagpatuman sa DQR pinaagi sa Executive Order (EO) 60 sa milabay nga bulan diin tumong niini nga makatabang sa paglimita sa non-essential travel sa siyudad.

Pinaagi sa DQR, mas dali na lamang sa dakbayan ang pagpahigayon ug contact-tracing activities ug mas maayo kini aron pagpugong sa  epekto sa Covid-19.

Dungan sumala pa sa pagpatuman sa DQR, mamahimo na sab nga himuon ang contactless data gathering ug electronic storage sa data dungan sa pagpatuman  sa pagdili sa mga non-essential travels sulod sa siyudad.