DAVAO CITY – Gi-anunsiyo ni kanhi House Speaker ug Davao del Norte Representative Pantaleon Alvarez  ang iyang “irrevocable resignation” alang sa iyang position ug membership sa ruling Partido Demokratiko Pilipino–Lakas ng Bayan (PDP-Laban) party human ang iyang pagpangatungdanan isip secretary-general sulod sa lima ka tuig.

Sa iyang pahayag , mibiya siya sa maong partido gumikan kay misaad siya nga ipadayon ang voter’s education campaign sa mga Filipino pinaagi sa paghatag ug importansiya sa 2022 elections.

-- Advertisement

Gidawat sab sumala pa niya ang tanyag ni kanhi secretary Renato de Villa nga panguna isip chairman sa pag-revive sa Reporma, usa ka  non-mainstream Party nga walay kalabutan sa mga personalidad nga gikanayong adunay plano nga mokandidato pagka-pangulo.

Hinuon nagpasalamat ang magbabalaod kang PDP-Laban President Senator Aquilino “Koko” Pimentel III human nga gitugtan siya nga magserbisyo isip secretary-general sa partido sulod sa lima ka tuig. Una ng nangatungdanan kini Alvarez isip Speaker sa House atol sa una ug ikaduhang regular session sa 17th Congress sugod 2016 hangtud 2018.

Kahinumduman nga napalagpot sa posisyon si Alvarez isip House speaker ug gihulipan ni Pampanga representative Gloria Macapagal-Arroyo.

Una ng mikatag ang impormasyon nga aduna sumala pay kalabutan si Davao City Mayor Sara Duterte-Carpio sa pagkatangtang niya sa katungdanan.