DAVAO CITY – Bisan nga  adunay pipila ka mga senador nga buot nga tangtangon ang pondo sa National Task Force to End Local Communist Armed Conflict (NTF-ELCAC), mipakita ug dili pag-uyon niini ang kasundalohan ug militar.

Usa na niini si Police Brig. Gen. Felmore Escobal diin mituo ang nahisgutan nga dako kini ug matabang ilabi na sa mga hilit nga barangay sa dakbayan o mga dapit nga kanhi gikotahan sa mga rebelde.

-- Advertisement

Kahinumduman nga daghanang opisyal sa kagamhanan ang buot tangtangon ang pondo sa ELCAC gumikan sa isyu sa red-tagging dihang adunay gihimo nga community pantry ang gikanayong mga miyembro sa progresibong grupo.

Gitataw ni Escobal nga mi-inform lamang ang pipila ka mga opisyal sa gobyerno kalabot sa pondo sa NTF-ELCAC sa matag barangay ug dili sumala pa kini counter insurgency fund.