DAVAO CITY – Magpatuman na usab og usbaw sa presyo sa lana ang mga oil company sugod karong adlawa.

Subay sa advisory sa Department of Energy Mindanao – Energy Industry Management Division ug sa mga nagkadaiyang kompanya sa lana, gibanabanaang musaka ngadto sa 30 hangtod 40 sentimos ang presyo sa matag litro sa gasolina, 25 hangtod 35 sentimos usab sa presyo sa matag litro sa diesel, ug 10 hangtod 20 sentimos matag litro ang usbaw sa presyo sa kerosene.

-- Advertisement

Kini na usab ang ikatulong semana sa sagunsong oil price hike.

Epektibo kaganihang alas 6 en punto sa buntag ang nasangpit nga pag-usbaw sa oil prices.

Niadtong niaging semana lang, anaa na sa P12.85 matag litro sa gasoline, P9.95 matag litro sa diesel, ug P8.10 matag litro sa kerosene ang year-to-date net increase sa mga produktong lana karong tuiga.