DAVAO CITY – Gibutyag ni Presidential Spokesperson Secretary Harry Roque  nga dako ang pagdayeg niini sa Southern Philippines Medical Center (SPMC) gumikan sa hapsay ingon man sistematikong pagpahigayon sa  vaccination rollout kagahapong adlawa.

Gitino sab sa opsiyal nga usa matud pa sa pinakamaayong pasilidad sa SouthEast Asia ang SPMC busa gikonsidera niini ang balay tambalanan nga nagdala og dakong paglaum sa Mindanao sa padayong pakigbatok sa COVID-19.

-- Advertisement

Kahinumdoman nga unang gihatagan sa first dose si SPMC OIC Dr. Ricardo Audan, Dr. Marie Yvette Barez, Adult Infectiuos Specialist ug uban pang doktor, mga nurses ug aides sa unang adlaw ug magpadayon kini hangtud mabakunahan ang tanang nipadayag sa ilang kaandam nga tuplokan sa Sinovac vaccine  sundan sa ikaduhang dose human sa ika-28 ka adlaw.

Gawas kang Sec. Roque, gidayeg sab ni Department of Health Sec. Francisco Duque III ang ka-andam sa local health authorities sa syudad gumikan sa organisadong rollout ingon man ang pagpanguna sa mga opisyal sa SPMC sa pagpabakuna.

Dugang ni Duque mahinungdanon nga makita sa mga sakop sa SPMC nga walay pagduha-duha ang ilang mga labaw sa bakunang madawat aron maaghat ang tanan nga mopailawum sa immunization.