DAVAO CITY – Gikanayon ni Davao City Covid-19 Task Force spokesperson Dr. Michelle Schlosser nga kinahanglan pa karon ang complete set sa guidelines sa reopening sa Roxas Night Market.

Tipik lamang kini human ang daghanang panawagan nga subling ablihan ang Roxas Night Market human nga padayon ang pag-ubos sa Covid-19 cases.

Apan una ng gibutyag ni Mayor Sara Duterte-Carpio nga kasamtangan una nga gitun-an sa City Economic Enterprise ang subli nga pag-abli Roxas Night Market.

Kahinumduman nga Nobyembre sa milabay nga tuig dihang gimando ni Mayor Inday nga subling pagpasira sa Roxas Night Market human nga gipailalom ang siyudad sa nahisgutan nga panahon sa general community quarantine (GCQ) gumikan sa surge sa Covid-19.  

Una na kining gipasirad-an kaniadtong Marso 2020 ug subli nga nangabli kaniadtong Setyembre 12, 2020 sa limitado nga oras nga alas singko hangtud alas 11 sa gabie.

-- ADVERTISEMENT --

Kahinumduman nga sagad dagsaon ang Roxas Night Market gumikan kay iladi kini nga nagabaligya ug  street food, “ukay-ukay” ug mga nagkadaiyang pagkaon.