DAVAO CITY – Gikumpirma sa Department of Environment and Natural Resources (DENR) XI nga wala mahinayon ang laraw nga pagsarado sa Mt. Apo Natural Park kini human nga gi-postponed una kini sa Protected Area Management Board (PAM-B).

Atol matud pa sa gipahigayong emergency meeting sa PAM-B karon lamang semanaha, 25 sumala pa ka mga myembro ang dili uyon sa pagpanirado sa Mt. Apo samtang 8 sab ang uyon nga saradohan kini.

-- Advertisement

Kahinumdoman nga gidudo ang temporarayong pagpanirado sa Mt. Apo diin nasuta atol sa mga pagpahigayon og trail ingon man camp assessment sa DENR XI nga adunay mga violation nga gibuhat ang mga trekker sama na lamang saw ala pagtuman sa health protocols, pag bandal sa bato, pagbilin og basura ingon man botelya sa ilimnong makahubog.

Bisan paman nga wala mahinayon ang pagpanirado sa Mt. Apo, gipaniguro sab sa buhatan nga magpadayon ang ilang buhaton nga mga lakang aron ma protektahan ingon man mapreserba ang Mt. Apo.

Subli sab nga nagpahinumdom ang DENR XI ngadto sa musaka sa giilang highest peak sa Pilipinas nga dili magpataka og labay sa mga basura ug mas labing maayo nga bitbiton na lamang kini.